بحر الغرام ملتقى الاحبه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

بحر الغرام ملتقى الاحبه

الفائده شعارنا( عليك المبادره بتسجيل كي تتمكن من قراءة المواضيع الاخرى الشيقه )
 
الرئيسيةالبوابةأحدث الصورالتسجيلدخول

 

 أنا ابي اموت

اذهب الى الأسفل 
2 مشترك
كاتب الموضوعرسالة
ساحر الإرواح
مراقب عام
مراقب عام
ساحر الإرواح


ذكر
عدد الرسائل : 884
العمر : 38
مزاجك اليوم : أنا ابي اموت 7110
الاوسمه : أنا ابي اموت Empty
رقم العضويه : 26
تاريخ التسجيل : 11/09/2008

أنا ابي اموت Empty
مُساهمةموضوع: أنا ابي اموت   أنا ابي اموت I_icon_minitimeالأحد نوفمبر 09, 2008 8:49 pm

بسم الله الرحمن الرحيم

السلام عليكم ورحمة الله وبركاته


بصراحة إنـآ مليت من الحيـآة ..
تعبـت ..
راسي عورني
محد في هالدنيا يفهمني
الكل ضدي
محد مرتاح
كل شي صعب
كل يوم حزن وصياح
احاول افرح بس ماقدر
تعبـت خلاص


أبـــي .. امووووت ..!

أرجوكم طلبتكم طلبه اخيرة

أدعولي اني امووت وأرتـآح ! والله مليييت !! تعبت















كلمـآت .. " أغلبية " الناس هالوقـت ., تتردد في لسانهم !

تمني الموت صار شي عادي .,

مجرد أنه انسان نزلت عليه مشكلـة .. قال خلاص ابي أموت !!


ليش ؟ الموت شي سهل يعني ؟ محد جرب الموت ., عسب تعرفون سهل ولا !

عبالكم بترتاحون فـ قبوركم ! .,

هل بعد الحياة ., حيـآة اخرى سعيده ؟!




حكمه فـ عين العقل : شوف بلاوي النـآس .. تهون عليك مصيبتك !

- شوفو النـآس فـ فلسطين ., العراق ., لبنـآن ., افغانستان ..

كل يوم متوفي شهيد أو شهيدين ع الأقل .,

كل يوم تدمر بـيت .,

كل يوم أسرو جندي عربي !

كل يوم عذبو طفل جدام امـه !


ومع هذا .. صابرين ومحتسبين لقضـاء الله .,

مع هذا ., مؤمنيـن بالقدر سواء ( خيره وشره )

مع هذا ., ماتمنو الموت !!





- شوفـو النـآس اللي في المستشفيـآت .,

النـآس اللي بين اليوم والثاني في المستشفى

النـآس اللي كل مايشفون من مرض يظهرلهم مرض ثاني

النـآس اللي مسجونين في سريـر مليآن اجهزة و أدويـة !

مع هذا ., عندهـم أمل في الشفاء .,

مع هذا ., عندهم ذرة أيمآن بالقضاء والقدر

مع هذا ., ما تـمنو المـوت !




- شوفو المعاقـين ., اللي ما يشووف

واللي يشوف الناس يرمسون وهـو مايدري وش يقولون !

واللي الناس يرمسونه بس مايقدر يرد عليهم !

واللي يشوف ربعه يركضون ويلعبون ., وهو يراقبهم بكل حسرة !

مع هذا ., مؤمنين لقضاء الله وقدره

مع هذا ., ماتمنوو الموت !!




- شوفو الأم .. ياللي ابناءها يموتون !

ولا تقدر تسوي شي !

شوفو المطلـقة .. ألأأرملـة ., الـمتزوجة البعيده عن زوجها

شوفو العانس .. شوفو المجنون ..

والنـآس مختلفهـ!





وأنتو .. ياللي عايشين بنعمة ..

يمكن عندكم أم .. أب ..

عندكم أخوآن ..,

عندكم بيـت .,

عندكم خدم .,

عندكم بيزآت .,

عندكم أكـل .,


عندكم وعندكم .,

لكـن .. مع هذا ., تتمنون الموت .,

(لا يتمنين أحدكم الموت ولا يدع به من قبل أن يأتيه)

خلينـآ .. أقوآل الرسول صلى الله علية وآله وسلم

تركنـآ العمل بهم ..




اصبحت حياتنـآ .. نت تلفزيون اغاني لعب طلعات .,

نفعل المعاصي ( بالهبــــــل )

وندري باللي نسويه

ومع هذا ..

نقول ..

- مانـقدر نرقد .. الأرق يرهقنـآ

- أحس اني ضايج .. ماقدر اتحمل ..

- انا رفيق الحزن من صغر سني

- محد مرتاح في الدنيا

- لو الأنتحـآر مب حرام جان انتحرنـآ من زمان

- المووت اريـــــــح !

- كل ما فكرت في الموت ., كل ماحسيت انه قريب !

- ابي اموت .. واريح اهلي واريح ربعي واريح الدنيا مني !

- أحس انه عذاب النار اخف من عذاب هالدنياا

- دنيــآآ قويه .. ماترحم





بالله عليكم .. كيــف بترتاحون ..

وكتاب الله ما تدلونه ويـــن !!

-----> انـآ ماقصد الكل .. لكن اللي ع راسه بطحا يحسسها !!

القنوآت 24 ساعه ., رقص وتفصيخ وحاله .!!

مواقع النـت اغلبيتهاا مواقع فاضحه .,

المولات دايما ممزورة بالشباب الصيّع .. والبنـآت الأصيع !

العبايات ضيقهـ .. الشعر نصه برع الشيله .. البرج اللي فوق راسج !

شعر الشباب اللي لين ظهورهم بهدف .. تقــــــلـــــيد البنـــــــآت

المستريـلات والـجـــنس الثـــالث والرابع والخامس قريبا !

الإفـلام الإبـاحية اللي صارت تارسهـ النت وقنوات التلفزيون بعد .,

الغيـبة والنميمة واللسان اللي مايسكت عن الرمسه في الناس والذم فيهم .,



كـل هذا .. وتبون ترتاحون .؟

تسون كل هذا ., وتبون الله يريحكم !!






إذا صابت أحد منكم مصيبة .. فليصبر !!

امتحآن .. أو جـآب درجة ماعجبته ..

يمكن .. سوا حادث والموتر تتدهور فوق تحت .,

يمكن ., أحد من قرايبه توفى .,

يمكن ., اصابتهـ الحمى !!


فـ قـآل أبـي آ اموت ..!!



سؤال بســــيط .. هل الموت سهل ..

لا والله .. الموت شي عظيم ..!!

يمكن .. رسب فـ


خلونـآ نتكلم عن الموت .. نقـطة نقــطة ..!!

(استعيذوا بالله من عذاب القبر )

أول منـأزل الأخرة .. القـــبر .,
سكرات الموت في حاله انتــــزاع الروح
انفصال الروح التي تأقلمت مع البدن سنوات طويلة
الأحتضـآر
وغيرها !


انـآ ما انفي اني فحياتي ما تمنيـت الموت

للأمـآنة .., ألموت فـ بالي كثـير ., مستحيل يمر شهر ما أكون داعيه على عمري بالموت
مع اني اعرف انـه حرام ومب زيـــن .,
بس من الضيق اللي احسـه .., ساعات احس الموت أريح !!!!



لكـن ., أدعي لنفسي .. ولغيـري .. واللي مثل حالي ..

انه ربي يهدي الجمـيع ان شالله .,

وفي آخر كلآمي .. تذكير لقول الرسول صلى الله عليه وسلم

( لا تقوم الساعة .. حتى يمر الرجل بقبر رجل .. فيقول .. ياليتني مكانهـ )!!
الرجوع الى أعلى الصفحة اذهب الى الأسفل
ملاك
نائب الاداره
نائب الاداره
ملاك


انثى
عدد الرسائل : 976
عدد الدعوات : 3
مزاجك اليوم : أنا ابي اموت Moasel
الاوسمه : أنا ابي اموت 1187177599
رقم العضويه : 2
تاريخ التسجيل : 22/08/2008

أنا ابي اموت Empty
مُساهمةموضوع: رد: أنا ابي اموت   أنا ابي اموت I_icon_minitimeالأربعاء نوفمبر 12, 2008 6:14 pm

يسلمووو
اخوي
ساحر الارواح
علي موضوع
الله يعطيك عافيه
الرجوع الى أعلى الصفحة اذهب الى الأسفل
 
أنا ابي اموت
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
بحر الغرام ملتقى الاحبه :: بحر الغرام المنتدى العام :: بحر العام-
انتقل الى: