مشروع خطوبة‎

في سنة من الليالي كنت ماخذ وضعيه الأنبطاح وأقلب في المجلات العربيه .
وأتفرج في الفنانات الى كل وحده تشق الوجه وكل وحدة احلى من الثانية.. , الى أن شفت صورة (( باسكال )) سحبت ارجولي عدل وقعدت أتمقل فيها مدة من الزمن , أتخذت قرار صارم بمناداه أمي بصووووت عالي .يماااااااااااااااااااااااااة يمااااااااااااااااااااااة
يمااااااااااااه لم تسمعني فقررت في ذالك الحين بمناداتها بصووووت أعلى .
يمااااااااااااااااااااااااااااااااااااااااا ... >> (في ذالك الحين لم أرى الى مقاس زنوبه الحمام ..) عندي.. (10)
أمي : نعم وش تبي ؟؟
أنا : خلاااااااص نسيت .. وش بغيت أقول ..
فلما راحت أمي ..
أطلقت صرخه قويه ..يماااااااااااااااااااااااااااااااااااااه يمااااااااااااااااااااااااااااااااة
فلتفتت وناظرتني بطرف عين ..
وقالت : ردينا.. يعني تبي الفردة الثانيه من الزنوبة....
قلت : يماااااااااااااااه أبيك في موضوع مهم .. أنا أتخذت قرار ولن أتراجع أو أزحزح عن قراري ..
أمي : خير وش قررت ..؟؟
أنا : ابي أتزوووووووووووج
ردت أمي رد سريع وقالت : عاد من زينك وزين طبايعك علشان تتزووووج .. خلك لين تكبر شوي ..توك صغير
أنا : يمااااااه حرام عليج أنا مسكين أنا قاعد أتعذب .. ليه أنا ماني ولدكم .. وقعدت أبكي وأعصر دموعي(10) ومانزل الى وحده كنت اقص عليها <<< دموع التماسيح
أمي : خلاص أنا قررت أتهور وأزوجك .. بس بنت مين الى تبيها ..
انا : بنت مشعلاني ..
أمي : من مشلاعاني من اي عائلة هي. ومن اي فخيذة.. ..
أنا : قصدي ابيك تشوفين لي وحده تشبه (( باسكال مشعلاني )) لحظه خليني اقص لك صورتها من المجله..
والله واقص صورة ( باسكال ) وأعطيها أمي وقلت أبيها نفس المواصفات هذي بالضبط ..
قالت أمي : خلاص بكرة فيه عرس في قاعة الدفنة لولد فلانه وانا معزومة هناك راح اشوف لك ..
جااااى بكرة وراحت أمي العرس .. وأنا أنتظر رجعتها بفارغ الصبر ..
بعد ساعات طويلة من الأنتظار .. جاءت أمي وقالت مبروووووك مبرووووووووووووك لقيت طلبك .. وأخذت رقم أمها ..
دقت عليهم الوالدة اليوم الثاني .. وردت البنت وانا حاط اذني في السماعه أبي أسمع صوتها ..لما سمعت صوتها مت صادني انهيار. وقلون عصبي
.. مشيت في الصاله وانا أرفس علبة المنديل ورفست كل شي.. كاني في ملعب.. وفرحان.. .. وهذي وحدة من هواياتي ..
جاءت إلي امي لتزف لي بشرى قبول اهل البنت مبدئيا .. فرحت بالخبر وانتظرت اليوم الموعود لمقابلتها ..
وانا أنشد (( نحمد الله جت على ماتمنى )) وجلست اسمع كل الاغاني الحب.. ماخليت اغنية ماسمعتها.. على صوت الخليج..
ذهبت الى الحلاق للى في المرخية.. وقلت له : توظيب كامل الله لايهينك تحديد وكحل عيوني.. وحطلي اشوية من البودرة على شان اصير ابيض.وبعدها رحت اغسل السيارة.. وقلت لهم تلميع كامل. وبعدها رحت البيت.. ومسكينة امي ....
جاءت أمي بالطيب والبخور .. وقرت على المعوذات وايه الكرسي ..
ثم ذهبت الى ..بيت أبو نسب علشان أشوف الزين وأنشاف اي علي واللة.. من قدي.. ..
دقيت الجرس ففتح لي الأخ الأصغر وكان دب في شبهة من خلود.. في من البراءة ..
وما إن شافني قال من أنت يابو خشم ..
فقلت له عيب يابابا أنا بصير زوج أختك ..عيب
وما إن قلت له هذه الكلمات التي نزلت عليه مثل الصواعق ..
حتى ذهب الى داخل المنزل ..
واسمعه يصيح ويقول : والله اختي ماتاخذ ابو خشم ..والله اختي ماتاخذ ابو خشم .والله اختي ماتاخذ ابو خشم
فكرت في هذا البزر الدب الى فضحنا لابارك الله فيه وانا التفت يمين ويسار. ومستحي وخايف.. اللة يقطعة.. ان شاءاللة....
فقلت ابروح للبيت واجيهم بكره على اساس اني انشغلت وماقدرت أمرهم وبالتالي على شان مايقول لي ابو خشم اني انا..انا الذي مريتهم وما إن عطيت الباب ظهري وادخلت مفتاح السياره لكي افتح الباب واذا بالاب يمسك يدي ويقول مين الاخ ؟
فقلت له وبصوت يملأه الحزن انا الخطيب ..قصد احنا جاين نخطب.. بنتكم..
أستقبلني خير استقبال .. وقلطني في المجلس .واللة ماقصر...لا ويتكلم للغة العربية الفصحى..
وأخذ يسألني يمنه ويسره عن مؤهلاتي ووظيفتي ..
وأنا أتصبب عرقاً حتى بدء الخياس يتطاير مني ..
وحنا جالسين في هذي الحاله يدخل علينا البزر في المجلس. وهو يطلع لسانه ويقولي جدام الرجال.. : يبو خشم والله ماتاخذ اختي .يبو خشم والله ماتاخذ اختي
إلتفت الى الاب وقلت له : ركد ولدكم ..لتصير علوم الحين.. يعني انا عصبت.. ..
فقال له والضحكه تملأ فم الاب : اذهب يابني اصلحك الله عيب.. يا يبة.. ..
فقلت له تبا' بل سحقا' لتربية هذا الغلام ( كني شطحت شوي )
فقال الأب : هل تريد رؤيه البنت ..
قلت : اي نعم.. عيل جاى اتمقل في وجهك أنت وولدك الدب طبعا في خاطري.. ..
وعندما ذهب الأب لمنادة البنت .. أتى الولد وهو يطلع لسانه مرة أخرى ويقول يبو خشم والله ماتاخذ اختي ..
قلت له تعال ياحبيبي أنا بعطيك 10 ريال وتطلع بسرعه .. قال خلاص .. صرفت الولد الدب وافتكيت منه ..وحفص جدامي. مثل خلود..
ولما ذهب الدب الصغير دخلت علي البنت وكلها استحياء وانا انظر الى الارض وارسم دواوير باصبع رجلي الكبير كعلامه على انني خجول ..
فجلست بجواري وقالت لي : السلام عليكم
فلما رفعت بصري لكي أرد السلام .. توقفت الكلمة لم أستطيع أكمالها .. كيف وأنا أرى أبشع وأقبح وأمتن المخلوقات على وجه الأرض .. لا وكانت حاطة من المساحيق مايكفي لصنع كعكه كبيرة الحجم ..
فقلت في نفسي فركش اشرد يبة.. الزواج لابووها ولأبوو من يتزوجها ..
هذي الدبيه يبغالها أثنين يقطون ويتزوجونها ..
وكنت قد فكرت مسبقا ان أفركش الزواج وأضع شروطا تعجيزيه كي تفر البنت مني وتصيح على امها مابيه ..
فقلت للوحش ( البنت ) : انا عندي شروط ..
فقالت لي سم آمر فقلت لها : انا انسان حق مخمخه وخاصتن تالى الليل ..
فلا تستغربين اذا رفستج في بطنك تالي الليل وانتي نايمه وقلت لك صلحي لي شيشة . والراس ابيه يكون ثلاث جمرات ومن الصغار والماي الشيشة ماتتعدى النص وتحطين معها ثلج ..
فقالت لي والابتسامه تعلو خشتها : ابشر افا واللة عليك.. .. بس عليك بالمعسل التونسي فإنه انقى واصفى <<< ( طلعت خبره وراعية معسل ) مادري واين اتشيش البنت...

فصخت العقال وبدأت في ضرب العائله كنوع من تشويه سمعتي لحقت بالاب الى داخل البيت وسويت نفسي مجنون وغبل. وانطرد على اثرها من البيت.
ويوم طالعت لقيت البزر الدب جالس فوق سيارتي ..
وصرخ على وطلع العقال .. وتوطيت في بطنه .. وأخذت منه 10 الريال حقي ..
فلما هممت بتشغيل السيارة .. وأذا بي أسمعه يقول .. أنقلع يبو خشم ..
عندها نزلت من السيارة .. وطرحته أرضاً .. وحطيت رجليه تحت تاير السيارة ..
وركبت السيارة .. وأعشق وأفر التاير على رجليه .. فلما ناظرت من المرايه لأشوف ماذا أحل به ..
فأذا به يضحك ويأشر بيده ( عيدها مرة ثانيه )اههههههههههههههه
فذهبت الى البيت فأستقبلتني أمي هاااااه بشر كيف البنت ..
قلت يمه حرام عليك هذي تشبه بأسكال أنتي تبين تذبحيني ..
قالت نفس الى في الصوره اللهم اختلاف بسيط .. وهذي الصوره شفها ..
فلما أخذت الصورة أكتشفت السبب ..
أثاريني قاص صورة ( باسكال ) من الجهه الأولى ..
والجهه الثانية فيها صورة ( مريم الغضبان )...!!!



((( ويافرحه ماتمت )))