الناصفة في خطر  ساعدونا في التخلص منه

بسم الله الرحمن الرحيم
تدرون ليش الناصفة في خطر ؟
لأن الناس تغيروا واسلوب الناصفة تغير والزمن تغير ومضمون الناصفة تغير .....
لما تشوف البنت متمكيجة ومسوية لها هذيك التسريحة ولابسة ثوب السهرة (العباية) ومخلصة غرشة عطر على جسمها وتمشي وهي تقول للناس شوفوني اليوم صايرة أحلى وحده بين البنات وتطلع الرايح والجاي ولا وإذا وقف لها راعي الطرام وقط عليها كم كلمة ترد عليه بدلع وتقول (ياقليل الأدب ) أو على حسب البنت اللي ترد لأن في بنات يسبون الشباب وكأنهم شباب مثلهم 

والا تشوف هذاك الشاب حالق اللحية والشنب ومخلص عليه غرشة عطر ومسوي شعره (سبيكتي )
بهذاك الجل ولابس هذاك القميص ومفكك الزرارات الفوقيه وهذاك الجينز المشقق على الموضه ومزهب هذيك السيارة آخر موديل أو الطرام ويدور في حي الم*** (ا--- ) ويستنى البنات يتجمعون عند بيت الألعاب ويحدق لفريسته من بعيد لحد ماتصير بعيد عن الزحمة ويوقفها ويرقمها وساعات يركبها سيارته بعد
أو تشوفه يمشي مشي وماسك أيد حبيبته اللي مواعدها قبل كم يوم وقدام الناس تسولف وياه وتصارخ عليه والناس تطلع مستغربه من الموقف
وأنا ضربت مثال على حي الم**** لأني شفت هالأشياء بعيوني والله خير الشاهدين ....
وين أيام أول أيام الأمن والحشمة والإقتداء بآل البيت عليهم السلام أيام البنت تمشي مستورة مع أمها أو احد من اهلها والولد يروح يتسمع في الحسينية أو أقلها يوزع الناصفه بكل أدب عند بيتهم هذا اللي يبغاه الإمام منا يبغانا نفرح بمولده فرح يليق بمكانته ....
ياشباب ويابنات وياأباء ويا أمهات أسمعوني ::::
بطلب منكم طلب واتمنى انكم تنفذوه أدري صعب بس أتمنى يتنفذ ::: هذي السنة نبغى نبيض الوجه قدام الإمام ونبغى على الأقل أحنا وأهالينا واللي يعزون علينا نحد من هالظاهرة ونقللها في المجتمع واتمنى تبلغون كل اللي تعرفوهم من اهالي المنطقة عشان يقومون بالواجب لأن هذي سمعتنا هذي أعراضنا هذي كرامتنا والله أن حتى البدو قامو يجون القطيف عشان بس المغازل فأتمنى من ا لجميع التفاعل وصلوا على محمد وآل محمد